प्रदेशको आर्थिक रुपान्तरणका लागि साझा रणनिति आवश्यक : अध्यक्ष

Blog

भरतपुर -उद्योग वाणिज्य संघ–चितवनले आज संघको सचिवालयमा भेटघाट एवम् छलफल कार्यक्रम सम्पन्न गरेको छ । नेपाल उद्योग वाणिज्य महासंघ वाग्मती प्रदेशका पदाधिकारी र उद्योग वाणिज्य संघ–चितवन वीच छलफल कार्यक्रम भएको हो । छलफल कार्यक्रममा स्वागत गर्दै उद्योग वाणिज्य संघ–चितवनका अध्यक्ष राजु श्रेष्ठले वाग्मति प्रदेशको आर्थिक रुपान्तरणका लागि यस क्षेत्रका उद्योग वाणिज्य संघहरुको साझा रणनिति तय गरि सामुहिक रुपमा अघि बढ्न अनुरोध गर्नुभयो ।

कार्यक्रममा अध्यक्ष श्रेष्ठले स्रोत र साधनको प्रचुरता र मुख्य गरि पर्यटन विकासको ठुलो सम्भावना रहेको बाग्मती प्रदेशको विकासका लागि नीजि क्षेत्रको तर्फबाट अल्पकालिन एवम् दिर्घकालिन योजना तय गरि अगाडी बढ्नुपर्ने बताउनुभयो । सोहि कार्यक्रममा नेपाल उद्योग वाणिज्य महासंघ बाग्मति प्रदेशका अध्यक्ष दिल सुन्दर श्रेष्ठले वाग्मति प्रदेशका उवासंघहरुको क्षमता अभिबृद्धि गर्दै यस क्षेत्रको विकासमा नीजि क्षेत्रको भूमिका सशक्त पार्नका लागि आफु लागिरहने बताउनु भयो । कार्यक्रममा उहांले उद्योग वाणिज्य संघ–चितवन जस्तो सबल र सक्षम उवासंघले अन्य जिल्ला तथा नगर उद्योग वाणिज्य संघहरुलाई भगिनि सम्बन्ध स्थापना गर्दै अघि बढ्नुपर्ने बताउनु भयो ।

कार्यक्रमा उद्योग वाणिज्य संघ–चितवनका निबर्तमान अध्यक्ष एवम् नेपाल उद्योग वाणिज्य महासंघका केन्द्रिय सदस्य सहनलाल प्रधानले वाग्मती प्रदेश उद्योग वाणिज्य संघको विकासका लागि नेपाल उद्योग वाणिज्य महासंघले सक्दो सहयोग गर्ने बताउंदै महासंघले आवधिक रणनिति तय गर्न लागेको बताउनुभयो । उद्योग वाणिज्य संघ–चितवनका अध्यक्ष राजु श्रेष्ठको अध्यक्षतामा सम्पन्न कार्यक्रमा बाग्मती प्रदेशका उपाध्यक्ष द्धय सविन श्रेष्ठ,दुर्गा राज श्रेष्ठ, कोषाध्यक्ष गुणराज श्रेष्ठ, कार्यसमिति सदस्य कैलाश पलाञ्चोके, प्रतिमा भट्ट , उद्योग वाणिज्य संघ–चितवनका प्रथम उपाध्यक्ष सुमन कुमार श्रेष्ठ लगायतको उपस्थिति रहेको संघका कार्यकारि निर्देशक निलबहादुर केसीले बताउनु भयो ।

अध्यक्ष श्रेष्ठ पर्यटन विकास समितिको सभापतिमा चयन चितवन – उद्योग वाणिज्यसंघ–चितवनका अध्यक्ष राजु श्रेष्ठ नेपाल उद्योग वाणिज्य महासंघ, बाग्मती प्रदेशको पर्यटन विकास समितिको सभापतिमा चयन भएका छन् । वाग्मति प्रदेश उवासंघको शुक्रवार हेटौंडामा सम्पन्न बैठकले श्रेष्ठलाई सभापतिमा चयन गरेको हो ।

साथै वैठकले अध्यक्ष श्रेष्ठलाई वाग्मति प्रदेश उवासंघको कार्यसमिति सदस्यमा समेत मनोनयन गरेको छ । कार्यसमिति सदस्य एवम् सभापतिमा चयन भएका श्रेष्ठले पदभार ग्रहण गर्दै यस क्षेत्रको पर्यटन विकासका लागि सार्वजनिक नीजि साझेदारी अवधारणा बमोजिमका कार्यक्रम तय गरि अगाडि बढ्ने बताए ।

सभापतिमा चयन भए लगत्तै अध्यक्ष श्रेष्ठले सवै बाग्मति प्रदेशका उवासंघहरुबाट यस क्षेत्रको पर्यटन क्षेत्रका समस्या एवम् सम्भावनाका बारेमा तथ्यांक लगायत प्रतिवेदन संकलन गर्नका लागि उवासंघ चितवको सचिवालयलाई निर्देशन दिनु भएको संघका कार्यकारि निर्देशक निलबहादुर केसीले बताए ।

Print